خپلواک .طالبان هغه خلک په زوره جګړې ته اړ باسي،چې د دوی تر ولکې لاندې سیمو کې ژوند کوي.

راپور--۲۰۱۶--۳--۲۳-

د هلمند په ګرشک ولسوالۍ کې د طالبانو لیکو ته د عامو خلکو جلب او جذب ډیر شوی او تر دې دمه یې د ګرشک شل سلنه خاوره تر خپلې ولکې لاندې راوستې ده.

د ګرشک امنیه قوماندان وایې، طالبان هغه خلک په زوره جګړې ته اړ باسي، چې د دوی تر ولکې لاندې سیمو کې ژوند کوي.هغه وایې، د طالبانو مشران نوي ځوانان په دې نوم د دولت ضد جګړې ته هڅوي، چې د جګړې پر مهال تر لاسه شوې وسلې او مهمات ځانونو ته وپلوري.

د هلمند په ګرشک ولسوالۍ کې د طالبانو لیکو ته د عامو خلکو جلب او جذب ډیر شوی دی چې اندیښنې یې هم ډيري کړي دي. د ګرشک امنیه قوماندان وایې، طالبان عام خلک پدې موخه خپلو لیکو ته هڅوي، چې د جګړې پر مهال نیول شوې وسلې، مهمات او غنیمت شوي وسایط د ځان په ګټه وپلوري .

قوماندان وایې، که څه هم دوی د طالبانو د هر ډول بریدونو لپاره پوره چمتوالی لري، خو وایې لویه ستونزه داده، چې طالبان تر خپلواک لاندې سیمو کې عام خلک د دولت ضد جګړېته په زوره اړباسي .

خپلواک وایې، د مرکزي حکومت سربېره بهرنیو ځواکونو هم ګرشک ولسوالۍ ته پوره پام اړولی، خو ګرشک یوه ستراتیژکه ولسوالۍ ده، چې له ډيرې مودې راهیسې وسله والو طالبانو د ډله ییزو بریدونو لاندې راوستې.