د خانیشن له سقوط وروسته اوس د ټول هلمند په اړه اندېښنې ډيري سوي دي .

راپور—۲۰۱۶—۳—۱۷—

دخانشین ترسقوط وروسته یوواربیا دلوی هلمند دسقوط اندیښنې خوراډيري سوې .

دهلمندولایتي شورا وایې که دولت دخانشین دنیول کیدولپاره جدي لاس په کارنسي پاته ولسوالۍ به هم ترلوړفشارلاندي راسي ، دوی وایې دټول هلمند څخه دم ګړی یوازي پرشل سلنه خاوره دولت واکمني لري ،  دهلمنددوالي ویاند عمرځواک وایې تراوسه یې هم په خانشین کې عملیات ندي پیل کړي خوتیاری نیول سوی دی .

نورحال دهلمندولایت څخه زموږهمکارسردارمحمد سروري راکوي .

د خانیشن له سقوط وروسته اوس د ټول هلمند په اړه اندېښنې راټوکېدلي. وېره داده چې د دغه ولایت د دولس ولسوالیو له ډلې اته یې له طالبانو سره دي او یاهم کلا بندې دي د ولایتي شورا له نظره ددغه ولایت اتیا سلنه خاروه د طالبانو تر ولکې لانده ده او که حکومت همداسې ناغړۍ ته دوام ورکړي ټول هلمند به سقوط وکړي.

د ولایتي شورا په باور، طالبانو ګڼې سیمې نیولي او د پاتې سیمو لپاره یې هم جدي هڅې پیل کړي دي .د والي ویاند بیا د هلمند دساتلو لپاره د حکومت په کلکې ارادې ټینکار کوي خووایې دخانشین عملیات لاندي پیل سوي.

هلمند د هېواد ټولې خاورې لسمه برخه  جوړوي چې د وروستیو ناامنیو له امله یې اتیا سلنه خاوره د طالبانو تر ولکې لاندې بلل کیږي . داسې ندېښنې هم موجودې دي چې ګواکې طالبان غواړي کوټې شورا دغه ولایت ته راواستوي.