ولایتي شورا وایې دګرشک ولسوالۍ هم دسقوط له ګواښ سره مخ سوه .

راپور—۲۰۱۶—۱—۱۸—

دهلمند دګرشک ولسوالۍ هم دسقوط له ګواښ سره مخ سوه .

دهلمند ولایتي شورا وایې له څو ورځوراهیسې پرګرشک ولسوالۍ درنې جګړې رواني دي چې تراوسه یې ډيری سیمي طالبانونیولي دي ، وکیلان وایې طالبانوتراوسه ۹۰سلنه سیمه نیولي اولاهم دپاته سیموپرامنیتي پوستودرنه جګړه روانه ده ، دهلمند دوالي ویاند یوازي جګړه منې خوزیاته وي دکابوکیدولپاره به یې ژر اقدام وسي .

نورحال دهلمندڅخه زموږهمکارسردارمحمد سروري راکوي .

له څوورځوراهیسې درنوجګړوداځل دهلمند بله یوه مهمه اوستراتیژیکه ولسوالۍ ګرشک هم دسقوط له ګواښ سره مخ کړه ، دهلمند په ولایتي شوراکې دګرشک دخلکواستازې نرګیس رخشاني وایې دم ګړی یوازي دګرشک پر۱۰ سلنه دولت واک لري نوري ټولي سیمي طالبانونیولي دي اوپرپاتوسیموباندي درنه جګړه روانه ده .

هغه وایې که ګرشک سقوط وکړې ددې ولایت ټولي شمالي ولسوالۍ به هم د لاسه ووځي اودګاونډي ولایتونوپه نامنیوکې به هم څوبرابره زیات والی راسي ، په ورته وخت کې دولایتي شورامرستیال ګواښ کوي که دولسوالۍ دژوغورنې په موخه جدي ګامونه پورته نسي پاته څوکلیومتره مرکزي سیمي به هم دطالبانوپه لاس سقوط وکړي .

بل پلودهلمند دوالي ویاندعمرځواک  په ګرشک ولسوالۍ کې درنې جګړې منې خوزیاته وي دکابوکولولپاره به یې  ډیرژر اقدام وسي .

 که څه هم دهلمند هره ولسوالۍ ځانته خوراډيراهمیت اوستراتیژیکي بلل کیږي خودګرشک سقوط به دپاته هلمند سربیره  نیمروز ،فرا ،اوهرات ولایتونوته دغځیدلي لوی لاري دناامنیه کیدوترڅنګ به دغه ولایتونوته دناامنیولمنه هم وغځیږي .