هلمند:پرلښکرګاښاريانو دوه اونۍ کيږي چې بريښنا په تپه بنده سوي ده.

راپور٢٠١٣_٩_٨

دسنګين ولسوالي دجګړي له امله پرلښکرګاښاريانو دوه اونۍ کيږي چې  بريښنا په تپه بنده سوي ده.

ددې ولايت دبريښنا درياست مسسئولين که  څه هم وايې چې دبريښنا مزي دجګړي له امله  پري سوي دي خولښكرګاه ښاريان بيا وايې چې په سنګين او کجکي ولسواليو کې  په ډيری سيموکې وسله والو طالبانو مزي قصدً پري کړي دي او دولت يې په رغولوکي پاته راغلي دي .

دلښکرګاه ښاراوسیدونکي وايي چې بريښنا د وسله والوطالبانوپه واك كې ده اودولت په دې نه دى توانيدلۍ چې په تيرولسوكلونوكې ددې لوي يي غميزې مخه ونيسي.هغه ځکه چي بریښناریاست دولتي مسولینوته ډیزلي بریښناورکوي .

نورحال دهلمندولایت څخه زموږهمکار سردارمحمد سروري راکوي

دهلمند له کجکي ولسوالۍ څخه پر لښکرګا او کندهار ښارونو دبريښنا بنديدل که  څه هم نوي خبره نده تر دي وړاندي وسله والو طالبانو دخپلو غوښتنو دپوره کيدو په غبرګون بريښنا ډيرځلي بنده کړي ده ، خو داځل بيا په سنګين ولسوالۍ کې ددولت او ددولت دوسله والو مخالفينو ترمنځ جګړه پلمه کيږي چي شا اخو دوه نۍ له  رواني جګړي سره سمه  بريښنا هم بنده سوي ده .

د هلمند د بريښنا رياست عملياتي مرستيال انجنيرنصرالله قانع وايي چې د تيرودوو اونيوراپه ديخوا د سنگين په ساروان كلا كې جگړه پيل سوې چې د همدې جگړې له امله د بريښنا مزي شليدلي اوځينې پايې هم نړيدلې دي .

که څه هم  دبريښنا مسئولين وايې چې په  لښکرګا کې بريښنا نسته خو عام ښاريان بيا ادعا کوي  چې په  لښکرګا ښار کې دولتي مسئولينو ته دبريښنا درياست له  لوري په ځانګړيو مزيو کې دجنراتورنو بريښنا ورکول کیږي نو له دې امله  په سنګين کې دبريښنا دستونزي په هواريدوکې چارواکي کوټلي ګامونه نه پوره ته کوي.

ددوي په خبره د كجكي د بريښنا ډيرواك د وسله والوطالبانوپه ولکه کي دي

دوي زياته وي چې د بريښنا د نشتوالي له امله ډيرى ستونزي ملكي وگړوته اوړي په داسې حال كې چې چارواكي اوس هم په شخصي توګه له پوره بريښنا څخه برخمن دي.

كه څه هم دكجكي د بريښنا فابريكه اوس مهال ۳۲ ميگاواټه بريښنا توليدوي خود چارواكوپه وينا د دې بريښنا ډيرمحصول وسله وال طالبان ترلاسه كوي.