دهلمند په پنځووشمالي ولسوالیوکې دیوسل اوپنځه ښوونځیوڅخه یوازي نهه ښونځي فعاله دي .

راپور—۲۰۱۵—۶—۲—

په شمالي هلمندکې دیوسل اوپنځه ښوونځیوڅخه یوازي نهه ښونځي فعاله دي .

دپوهني دریاست چارواکې وایې ترڅوچې ناامنۍ وي یادښوونځي به دزده کوونکوپرمخ تړلي پاته وي ،دوی وایې دتیرمیاشتي تنخواګاني اوامتیازات یې ځکه ځنډولي دي ترڅودښوونځیواوښوونکوکره شمیره په داګه کړي ،بایدوویل سي وړاندي تردي په شمالي هلمندکې شاه اوخوایولس زره زده کوونکې په یادوښوونځیوکې په زده کړوبوخت وه .

 نورحال دهلمندولایت څخه زموږهمکارسردارمحمد سروري راکوي .

دهلمندپه پنځوشمالي ولسوالیوسنګین ،موسي کلا،کجکي ،واشیر،اونوزادکې یوسل اوپنځه ښوونځۍ په دې ورستیوکې دپراخوناامنیوله امله تړل سوي دي، چې یوازي نهه ښوونځۍ اوس مهال دزده کوونکوپرمخ پرانستي دي ،دپوهني دریاست سرپرست وایې په یادوښوونځیوکې شاه اوخوایولس زره زده کوونکې په زده کړوبوخت وه چې دناامنیودډیریدوله امله دزده کونکوشمیرلسګونوته راټیټ سوی دی ،داسي ویل کېږي چې له تیرواتومیاشتوراهیسې ترډیره دیادوښوونځیوپه نوم دښوونکوتنخواګاني ،قرطاسیه ،کتابونه ،اونوراړونده امتیازات وړل سوي اوشخصي جیبونوته لودیلي دي .

دنوموړي په خبره په موسي کلاولسوالۍ کې د۲۹ ښوونځیوڅخه ۲ ، دسنګین ولسوالۍ د ۱۸ ښوونځیوڅخه ۱،دنوزادولسوالۍ ۲۴ ښوونځیوڅخه ۱ ،دواشیرولسوالۍ ۱۴ ښوونځیوڅخه ۲،اودکجکي ولسوالۍ ۲۹ ښوونځیوڅخه ۳ دري ښوونځي فعاله دي ،هلمندولایت ته دتشکیل لمخې ټولي ۳۷۵ ښوونځي ورکول سوي دي چې یوازي په شمالي پنځو ولسوالیوکې یوسل اوپنځه ښوونځۍ  دزه کوونکوپرمخ تړلي پاته دي ،دپوهني دریاست چارواکې وایې هڅه به وکې چې دقومي مخوروپه مرسته یادي بندي ښوونځۍ بیاپرانیزي . .