اخندزاده :وسله والوطالبانودکجکې ولسوالۍ ډیری سیمي ترخپلي ولکي لاندي راویستي دي .

راپور—۲۰۱۵—۶—۱۶—

وسله والوطالبانودکجکې ولسوالۍ ډیری سیمي ترخپلي ولکي لاندي راویستي دي .

له تیرودریوورځوراهیسي وسله والوطالبانوپه کاجکي ولسوالۍ دافغان امنیتي ځواکونوپرامنیتي پوستوخپلوبریدونوته زور ورکړی دی چې دډیری سیموپرنیول کیدوسربیره یې دملي ارودوځواکونوته مرګ ژوبله هم اړولي ده .دولایتي شوراغړی اودکجکي ولسوالۍ اوسیدونکی عبدالمجیداخندزاده وایې که مرکزي دولت کجکي ولسوالۍ ته خپل جدي پام وانه ړوي دکجکي دبریښناستربندچې دامهال ترګواښ لاندي دی دوسله والولاسته به ولویږي ،خوپه ورته وخت کې دهلمنددوالي ویاندوایې په سیمه کې یوشمیرامنیتي پوستي دجګړوله امله شاتګ ته اړي سوي دي خوافغان ځواکونوته اوښتي مرګ ژوبله نه مني .

نورحال دهلمندولایت څخه زموږهمکارسردارمحمد سروري راکوي .

وسله والوطالبانوداځل دکجکي ولسوالي دخپلوپراخوبریدونوهدف ګرځولي ده ،دولایتي شوارغړی اودکجکي ولسوالۍ اوسیدونکی عبدالمجیداخندزاده وایې له تیرودریوورځوراهیسي په کجکي ولسوالۍ کې دوسه والوطالبانواوافغان ځواکونوترمنځ درني نښتي دوام لري چې ډیری سیمي دوسله والوطالبانولاسته لویدلي دي ،هغه وایې ددوی دمعلوماتولمخي تیره شپه ترشلوزیات دملي اردوسرتیري وژل سوي اوهمدارنګه ترپنځلوسوډیرلادرکه دي ،هغه وایې وسله والوطالبانوته سپکي اودرني وسلي هم په لاس ورغلي دي .

هغه وایې اوس مهال جګړه دکجکي ولسوالۍ دبریښناستربندته نږدي سوي ده اواندیښنه یې داوه که ژردافغان ځواکونه مرسته ونسي یادبندبه دوسله والودلاسته لویدلوسره سم به یې په ورانه ولوهم لاس پوري کړي ، په ورته وخت کې دهلمند دوالي ویاندعمرځواک هم دامني چې تیره شپه په کجکي ولسوالۍ کې ځیني امنیتي پوستي دسیمي پریښولوته اړي سوي دي خودامنیتي ځواکونودمرګ ژوبله په اړه څه نه وایې ،هغه وایې دوی دکجکي ولسوالۍ دروان حالته مرکزي دولت هم خبرورکړی دی چې ډیرژربه یې مرستي ته ورودانګي .

خوهاخوابیادوسله والو طالبانو ویاند قاري یوسف احمدي وايې تیره  شپه یې په کجکې ولسوالۍ کې ، د ځنګل، دانخیلو، سیابندي، یانغزو او میان رودي سیمو کې ۷ امنیتي پوستې نیولي، ۲۱ دولتي سرتیري يې وژلي، او ۱۲ میله وسلې هم په لاس ورغلي ،اوهمدارنګه دسنګین ولسوالۍ دساروان کلا په سیمه کې یه هم دوه  پوستې نیولي، ۱۵ پنځلس سرتیري وژلي او ګڼې  وسلي يې ترلاسه کړي دي،خوچارواکې بیا دوی دغه ادعانه مني .