دهلمند دپوهني دریاست نوي ودانۍ ګټي اخیستنې ته وسپارل سوه.

راپور—۲۰۱۵—۶—۲۸—

دهلمند دپوهني دریاست نوي  ودانۍ ګټي اخیستنې ته وسپارل سوه.

دپوهني دریاست دچارواکوپه خبره یادودانۍ چې دیوه کال په موده کې دښارپه زړه کې دکوکه بازره په سیمه کې یه په داسي حال کې بشپړه اوګټي اخیستنې ته وسپارله چې یاده مځکه دځنیوکړیو اوچارواکولخوادغصبولودګواښ سره مخ وه ،ددوی په خبره داچې په یاده ساحه کې اوس هم ځینوکړیومځکه غصب کړي هغه به هم ډيرژرخلاصه اودیوي لیسي نوي ودانۍ به پري جوړه کړي .

په دي اړه نورحال دهلمندولایت څخه زموږهمکارسردارمحمد سروري راکوي .

دهلمند دپوهني ریس وایې دغه ودانۍ چې په دوه پوړه کې جوړه سوي داداري خونوترڅنګ یې نوري ټولي اسانتیاوي هم په پام کې نیول سوي دي ، دریس په خبره یاده ودانۍ دپوهني دوزارت دبودیجې څخه دنهه ملیونه افغانیوپه لګښت په نیم جریب ځمکه کې ګټي اخیستنې ته وسپارل سوه ،دنوموړي په خبره په یاده سیمه کې دپوهني دریاست اوړونده پاته ځمکه چې اوس مهال غصب سوي ده  اوخپل سري هټي ورباندي جوړي سوي هم دي دلاسته ورتلوسره سم به پري دلیسي ودانۍ  جوړه کړي .

نوموړی وایې په دې ولایت کې ۱۵۳ ښوونځیوته ودانۍ په اساسي توګه جوړي سوي  دي خوهڅه یې داده چې څه باندي دوه سوه نورښوونځیوته چې لاهم ودانۍ نلري جوړي کړي ،خوبلخوادیادریاست مامورین وایې دودانۍ دچاپریال پراخه چټلي ،اودخپل سروهټیوپه شتون کې دوی نسي کولای چې اداري چاري پرمخ یوسي ،مامورین غوښتنه کوي چې دودانۍ داحاطې اودپاک چاپریال لپاره دي اړونده چارواکې کلکه پاملرني وکړي .

دپوهني دریاست چارواکې که څه هم یاده ستونزه منې خووایې په دغه برخه کې یه دښاروالۍ دچارواکوسره خبري کړي دي چې ډیرژربه یادسیمه دخپل سري هټیواوچټلي څخه هم په بشپړه توکه پاکه کړي .